2016 թ.-ին՝ ՀՀ կառավարության որոշմամբ է ստեղծվել Հայաստանի խաղողագործության և գինեգործության հիմնադրամը՝ ոլորտի արդյունավետ և համակարգված զարգացման, ինչպես նաև պետական քաղաքականության նոր ռազմավարությունների և զարգացման ծրագրերի ներդրման նպատակով։
Հիմնադրամը 2016 թ ից ի վեր զարգացնում և խթանում է հայկական գինու տուրիզմի կլաստերը ՀՀ-ում և ՀՀ-ի սահմաններից դուրս՝ իրականացնելով տարատեսակ միջոցառումներ, որոնց ժամանակ ներկայացնում է հայկական զբոսաշրջային ուղղությունները հայկական գինեգործությամբ հետաքրքրված գինու գիտակներին և գինեսերներին։
Ավելի քան վեց հազարամյակ պահպանվող հայկական գինեգործության ավանդույթները, Հայաստանի հարուստ մշակույթն ու պատմական ժառանգությունն այսօր համադրվում են խաղողագործության և գինեգործության զարգացման, կլիմայական պայմանների, խաղողի սորտերի հարուստ բազմազանության, ժամանակակից տեխնոլոգիաների և գիտական ներուժի հրաշալի հնարավորությունների հետ՝ հզորացնելով ոլորտի կայուն զարգացման հիմքը։
Հիմնադրամի գլխավոր նպատակը հայկական գինիների սպառման և արտահանման ծավալների ավելացումն է, «Հայաստանի գինիներ» բրենդի համաշխարհային ճանաչումը։
Հիմնադրամի նպատակներն են
- Աշխարհագրական ցուցիչների ազգային համակարգի ստեղծումը,
- Խաղողի տնկիների կադաստրային համակարգի մշակումը
- Հայկական խաղողի գենետիկ ռեսուրսների ուսումնասիրությունը
- Տեղածին սորտերի պահպանությունը, սեփական հավաքածուի ստեղծումը
- Խոշոր և փոքր արտադրողներին աջակցությունն ու խորհրդատվության տրամադրումը
- Գինու տեխնոլոգների և գինեգործների ուսուցումը և մասնագիտական վերազինումը
- Հայկական գինիների առաջխաղացումը, արտահանմանն աջակցությունը
- Խաղողի սորտերի և այգիների, գինու արտադրությունների վերաբերյալ արդիական տեղեկատվություն պարունակող միասնական էլեկտրոնային տեղեկատվական համակարգի ստեղծումը՝ գինեգործական ապրանքների որակի վերահսկողության և հնարավոր կեղծարարություններից խուսափելու նպատակով։
Կոնտակտներ
Հիմնադիր՝ ՀՀ Էկոնոմիկայի նախարարություն
Գործադիր տնօրեն՝ Զարուհի Մուրադյան
Հեռ. 060 65 58 95
Էլ. փոստ` [email protected]
Հասցե՝ Երևան, Մհեր Մկրտչյան 5, ՀՀ Էկոնոմիկայի նախարարություն
